"هذاك لا منّه ضحك لي تعافيت ‏واصير من كايد همومي معافى"

مدي يدين..عاهدتها يديا
ياللي سماك ملبدة برق و غيوم
.
لاتشتكين اللوم و أنا هنيا
أنا هنيا لجل مايلحقك لوم
.
ياللي جبينك من غلاه الثريا
ما عاشرت شمس ولا خاوت نجوم
.
إن كان ما جتني عليك الحميا
ماعاد لي في باقي العمر ملزوم
.
مافز قلبي للنواعس كذيا
إلا يبي يصبح عوضها عن النوم
.
نامي و خلي كل هم عليا
مالله خلق هالجفن لسهاد و هموم
.
لاتندهي لي ! واصل لك بليا
لو نكسر قلوب ولو نزعل خشوم
.
قام يتعزوى في حديا حديا
يوم انحدر دمع عن الذل محشوم
.
راسي خلق بالطايلات يتقيا
و خدك تقيا بالهدب جعله القوم
.
كان الذي في خاطرك تهيا
ماني ولد عود كفخ وابعد الحوم