UNTITLED

Echo ay isa sa pinaka-sikat at kilalang boy band na hawak ng Horizon Media Entertainment sa Korea, na may tatlong miyembro. Park Ethan (main vocal), Lee Kai (guitarist), Jung Leo (drumist).

Namayagpag ng ilang taon ang kanilang grupo sa galing nilang gumawa ng kanta at kahusayan ng talento, malaya silang gawin ang lahat dahil sa mainit din naman silang tinatanggap ng kanilang mga taga-hanga. Beer, partying, maski girlfriends ay pwede sila. Si Ethan ang may girlfriend sakanila ngunit hindi 'yon lumalabas sa publiko dahil kahit na walang pag babawal ang agency ay kailangan paring mag-ingat.

Ngunit sa kalagitnaan ng kanilang kasikatan ay mas dumami din ang mga nangusisa sa kanilang personal na mga buhay, hanggang sa maisa-publiko ang pakikipag-relasyon ni Ethan. Tila wala namang problema at naayos din agad ito ng agency at naintindihan din ng kanilang mga taga-hanga, ngunit ang karelasyon na ni Ethan ang bumitaw sakaniya.

Akala ni Ethan ay maayos na ang lahat dahil sa pag-tanggap ng mga tao sakanila, ngunit hanggan doon din pala matatapos ang lahat.

Limang taon ang lumipas, at kina-kailangan nilang pumasok sa military services. At isa-isa nading nag labasan ang mga bagong banda, idol, at solo artist. Pag labas nila galing military isa lang ang pumukaw sa atensyon ng grupo, ang dating kasintahan ni Ethan ang isa sa mga solo artist na inilabas ng mahigpit nilang kalaban pag-dating sa musika...