Endless Beyond Infinity (BL Series)

Si Esleir ay isang makapangyarihang babae na may wagas na pagmamahal para kay Haring Alaric. Ngunit sa kabila ng busilak at mabuting puso ng Hari ay tuluyang nahulog ito sa kadiliman dahil nananalaytay sa dugo nito ang dugo ng Hari ng Kasamaan at ito rin ang nag-iisang tagapagmana ng kadiliman.

Nasaksihan ni Esleir ang pag-iral ng kadiliman sa puso ng kanyang pinakamamahal na asawa at ang banta nito sa kanilang mundo. Sa kabila ng kanyang pagmamahal, nagpasya siyang ikulong si Alaric sa isang makapangyarihang selyo, upang pigilan ang kasamaan na sakupin ang mundo at ipailalim ito sa kadiliman. Ang kanyang desisyon ay nagmula sa kaniyang puso para sa kapakanan ng sangkatauhan at hinaharap.

Daang libong taon ang lumipas, at namatay na si Esleir, ngunit ang kanyang sakripisyo ay hindi nawalan ng halaga. Ang hari ay nananatiling nakaselyo sa ilalim ng makapangyarihang proteksiyong nilikha niya. Subalit, dahil sa paglipas ng panahon, humina ang selyo, at nagising ang natutulog na hari.

Sa kasalukuyan, si Esinor, ang huling inapo at nagdadala ng dugo at lahi ni Esleir, na walang kaalaman sa kanyang makapangyarihang pinagmulan. Sa pagdating ng kadiliman, magkakaroon siya ng isang misyon: ang pigilan ang nakahandang kasamaan na muling kakalat sa buong mundo.