Ang Landas ng Dugo

KUNG ANG NATATANGING LANDAS PATUNGONG KATOTOHANAN AY PUNO NG MGA BANGKAY, PIPILIIN MO PA RIN BANG ITO AY SUUNGIN?

Pinili nang kalimutan ni Celestina Gervacio ang kaniyang nakaraan at tawaging ang sarili sa bagong pangalan. Kahit na kulay pula ang kaniyang dugo ay tila ba'y hindi siya ganap na tao. Bilang isang Engkantada, kaya niyang manipulahin ang kahit anumang uri ng mga metalikong elemento. Ito ang naging dahilan kung bakit siya ang hinahanap-hanap na asesina ng mga Familia Elitista ng Corona para gawin ang kanilang maiitim na balak.

Ang kaniyang pinakamatagal at pinakamayamang parokyano na si Kalixtro Verginbolt ay inutusan siyang imbestigahan ang misteryo sa likod ng mga pambobomba sa mga laboratoryo ng kaniyang kumpanyang parmasutiko at paslangin ang mga miyembro ng Kataastaasang Konseho na pinaghihinalaan niyang siyang salarin sa likod ng mga pag-atake. Ang ipinangakong kabayaran ay ang katotohanan sa pagkamatay ng mga magulang ni Titan.

Pagkatapos ay ipinakilala siya ni Kalixtro sa magiging katambal niya sa misyong ito at iyon ay si Lorenzo Aragon, ang lalaking itinuring niyang kuya noong kabataan nila. May natitirang sama ng loob sa kaniyang puso, siya ay tumangging makatrabaho ang kapatid niya. Pero hindi siya ang masusunod at wala siyang ibang magagawa kundi sumunod.

At dahil wala na nga siyang magagawa, siya at ang kaniyang kapatid ay hahanapin ang sindikatong nasa likod ng mga pagsalakay.

Habang mas lumalalim ang kaniyang pagsisiyasat ay may mga bagay siyang natutuklasan na mas hamak na nakapangangambang katotohanan kumpara sa kamatayan ng kaniyang mga magulang.

Mga patay na bangkay ang magbibigay daan sa kaniya patungong katotohahanan at tatagpasin niya ang landas kung kinakailangan. Dahil kung tutuusin, hangga't mas ginagamit niya ang kaniyang mga patalim ay mas lalo pa itong tumatalim.