THE SECRET AGENT'S DIARY

Lumaki sa bahay-ampunan ang batang si Blyana Taylor. Sa edad na walong taong gulang, inisip na niya na kinalimutan na siya ng kaniyang mga magulang. Nais niyang magkaroon ng maayos at masayang pamilya ngunit parang pinagkait iyon ng tadhana sa kaniya. Nakaranas siya ng pambubully sa mga bata sa bahay-ampunan. Lagi siyang nakasiksik sa isang sulok at tahimik lamang. Lumipas ang ilang taon, halos kalahati na sa mga batang kasama niya ang inampon at nagkaroon ng pamilya subalit tila ba kahit anong gawin niya, walang umaampon sa kaniya. Pero nagbago ang lahat noong pasuko na siya. Nasa edad na labing-lima siya noong dumating ang mayamang pamilya ng mga Montreal.

Laking-tuwa niya ng piliin at ampunin siya ng mga ito. Gayunpaman, hindi niya alam ang malaki ang sekreto ng pamilyang umampon sa kanya. Isang sekreto at isang misyon na maaaring maglagay sa kanya sa peligro maging ang kanyang puso. Malaman niya kaya ang totoo sa kanyang pagkatao, totoong pamilya at ang taong naging dahilan ng kanyang nakaraan?