وطني النيل بحلم جميل

يا بلدي بقولها من قلبي
و من غيرك داري بحبي
و مهما قلت أو أخبي
بقولها لك بعلو الصوت

بحبك لو نهارك ليل
بحبك لو يقولوا دا ويل
بحبك يا اللي حاضنه النيل
عروسه مهما الزمن بيفوت

بلادي و الشرف أوطان
تشرفنا في كل مكان
و كفايه يذكرك انسان
تلاقيني عشانك أموت

علي ظهرك رمينا حمول
و صباره ما ترضي تقول
يا عايشه جوايا علي طول
يحكي لنا عن الحضاره تابوت

يا زوارنا السلام ليكم
تشرفنا معاليكم
أراضينا دي أراضيكم
دا بحرينا و قبلينا و بدوينا
كرم واضح مفهش خفوت

أنا المصري يا كل الكون
لا بتذلل و لا مديون
و شرفي في السما دا مصون
حر و الحريه ثبوت

انا المصري رجال و نساء
وبيمينك حلفنا بقاء
و لألمك هنبقي شفاء
يا حلمي الجاي في الملكوت