Assassins Book 12: Rome, Beside You Where I Used to Lay

First love never dies. Tila gustong maniwala ni Romano Allegre roon. Dahil ng bumalik ang tao na una niyang minahal at una ring dumurog sa kanyang puso ay pilit niyang pinangingibabaw ang galit subalit may mga damdamin pa rin na hindi maikakaila.
Siyam na taon na ang nakalilipas mula ng bigla na lamang maglaho si Serene. Naglaho itong parang bula at sumulpot na tila kabute. At tila determinado ito na bumalik sa buhay ni Romano.
Pero determinado rin siya na huwag itong tanggapin. Kahit gaano pa ito kaganda sa kanyang paningin. Kahit gaano pa nito ilapit ang sarili sa kanya. At kahit gaano pa kagusto ng kanyang puso na bumigay na at mahalin itong muli.