KARKARISON

Sa katahimikan ng baryo ng Sta. Elena, isang sinaunang kababalaghan ang lumalabas tuwing gabi. Isang walang ulong lalaki ang nagpapakilos ng isang itim na kalabaw na may hila-hilang karosa na puno ng mga bangkay na kanyang biktima. Alam ng lahat sa baryo ang alamat, sinumang madaanan ng Karkarison sa daan hindi na muling makakakita ng liwanag. Ninakaw na ng nilalang ang kanilang kaluluwa at isinama ang kanilang katawan sa karosa ng kamatayan.

Tumangging mamuhay si Amado sa takot. Nang kunin ng Karkarison ang buhay ng isa pang kababaryo, nagdesisyon siyang tuklasin ang katotohanan sa likod ng nakatatakot na alamat. Ngunit ang kanyang mga natuklasan mas madilim at mas nakakatakot kaysa sa kanyang inaasahan. Sa kanyang pagkilos, nalalapit ang kanyang buhay at kaluluwa sa kapahamakan.

Kailangan harapin ni Amado ang Karkarison at wakasan ang lagim na dulot nito bago pa madagdagan ang mga biktima. Ngunit kaya ba niyang labanan ang demonyong nilalang o siya mismo ang magiging susunod na kaluluwang lulubog sa dilim?

Start: November 22, 2024
End: November 26, 2024