MOHABBAT KA ZAKHM

Mohabbat ka Zakhm ek aisi kahani hai jo mohabbat ki haqeeqat, uski gehraiyon, aur uske zakhmon ko bayan karti hai. Yeh sirf ek kahani nahi, balki un anjaane ehsaason ka aaina hai jo dil ke kone-kone mein chhup kar insaan ko khud se milate hain aur khud se door bhi le jaate hain.

Is kitaab mein mohabbat ke do mukhtalif chehre saamne aate hain-ek taraf woh mohabbat jo dil ko sukoon deti hai, ek jazba deti hai jeene ka, aur doosri taraf woh mohabbat jo zindagi mein bewafayi ka dard bhar kar insaan ko tootne par majboor kar deti hai.

Sachi mohabbat woh hoti hai jo sirf lena nahi, dena jaanti hai-khud ko bhool kar kisi aur ke khwaab sajana aur unhe haqiqat mein badalne ke liye apni har khushi qurbaan kar dena. Lekin, jab yeh mohabbat ek taraf se adhuri reh jaati hai ya bewafayi ka zakhm deti hai, toh yeh insaan ke dil aur rooh ko chheer kar rakh deti hai.

Yeh kitaab un logon ke liye hai jo mohabbat ko samajhna chahte hain, un logon ke liye jo mohabbat ke zakhmon se guzar chuke hain, aur unke liye bhi jo mohabbat karte hue iske dard se bachna chahte hain. Har shabd ek kahani hai, har jazba ek haqeeqat, aur har zakhm ek seekh.

Mohabbat ka Zakhm mohabbat ke unseen ehsaas, bewafayi ke dard, aur khud ko samajhne ki talash ka safar hai-ek safar jo shayad har dil ne kisi na kisi mod par tay kiya hai.