Blinded by Love

Si Nayoung, dating volleyball captain, ay bumagsak mula sa kasikatan nang maaksidente sa Olympics sa Paris. Bagamat nagwagi ang kanyang koponan, nasira ang kanyang buhay nang malamang hindi na siya makakapaglaro dahil sa pilay na braso. Itinago niya ang katotohanan sa pamilya at kaibigan nya, at nanatili sa Paris hanggang sa kanyang paggaling. Ngunit sinubok rin siya ng depresyon at hiya sa matagal na panahon-hanggang sa makauwi't salubungin siya ng matalik niyang kaibigan na si Yujin, na unti-unting nagbukas ng kanyang puso.

Ngunit hindi pa tapos ang laban ni Nayoung. Sa pagbalik sa unibersidad, hinarap niya muli ang mapang-aping si Sunghoon at ang kanyang mga kampon, habang may mga lihim na tauhan-tulad ng mapagmalasakit na si Seojoon at misteryosong lalaki na si Dayoon-ang sumulpot upang baguhin ang tadhana niya. Sa gitna ng panganib at pagsubok, matutuklasan ni Nayoung na ang tapang ay hindi lamang nasa larangan ng pakikipaglaban... kundi sa pagharap sa tunay na kalaban: ang sariling takot at mga masasamang taong sumira sa kanyang nakaraan.