11 parts Ongoing عَمَّ الهدوء في ذلك المكانْ
حيث لم يقدر عليها ايَّ إنسانْ
أشارت الى ملامحهم التي رُسِمَت للخِذلان
ثم اكملت حديثها بِصوتٍ غضبان :
گدام الكل اگولها وما ارجع اكررها
اني مهما اكون
انثى ، بنت ، مراهقة ، عجوز ، لو مهما كان الوقت والعمر الي اني بي ابقى تاج راسكم واتحدى اي واحد بيكم يگول غير هالكلام
منا و غاد اني مو هذيچ البنت الضعيفة الي تقتلوها وتمشون بجنازتها
لا ، كل شي اختلف هسه ، اتغدة بيكم قبل لا تفكرون تتعشون بيه , واطر لسانكم قبل لا تفكرون تحچون عليه .
خافو مني واخذو حذركم لان ما تخوفني لا شيوخكم ولا عمامكم ولا خوالكم ولا انتو .
ومن هاللحظة اي واحد من ولدكم واحفادكم يگول كلام مو حلو بحقي امرغله بالگاع گدامكم واطشر سنونه بحلگة و فنه اليحچي .
رد واحد من الموجودين :
_ ما يصير هذا الكلام بنتي احترمي عمامچ على
الاقل .
وجهت نظراتها اله وضحكت باستهزاء .. هزت ايدها واستمرت بالكلام :
_ هذا العندي .. البيت بيتي والگاع گاعي محد اله حق عندي ..
الما يعجبه كلامي الله ومحمد وعلي والحسين وياه هذاك الباب يوسع جمل ..
وبلا مطرود الكل تلم چوالاتها وتطلع منا .
