හිරු අසුරු

ඔයා කොහොම කිව්වත් මම කැමති නැහැ අව්රෙලි ...

මම ආයෙත් ටිකක් සැරේට එහෙම කිව්වා

මම ඔයා ඉල්ලුව හැම දේම දුන්නා..මම එපා කිව්ව එකම දේ ඉල්ලල ඇයි මෙහෙම හිතුවක්කාර වෙන්නෙ..

අප්පච්චි මොනව කිව්වත් මට ඒක කරන්නම ඕනේ..නැත්නම් මම හොස්ටල් නැවතිලා හරි ඒක කරනවා.

අව්රෙලි ...

අප්පච්චි මොනවද බැලට් ගැන දන්නෙ ...

ඒ වචන මගේ කන් වල දෝංකාර දෙද්දි අවුරුදු දොලහක් අමතක කරපු අතීතෙට මාව නිකම්ම ඇදිල ගියා.
(සහේන් හිමසර රත්වත්ත)

.......මගේ හුස්ම...නැවතුනා...මට දැනුනෙ මාව අවකාශයේ පාවෙනව වගේ.. නොදැනිම මම මගේ පපුව අතගාගත්තෙ හීනියට කැක්කුමක් දැනුන නිසා...මගේ රත්තරං....මගේ මැණික....මගේ පණ.... මගේ ජීවිතේ....මගේ ආදරේ....ඔව්...ඒ එයා සහේන්... සහේන් හිමසර රත්වත්ත...මගේ අහිංසකයා....මගේ හා පැටියා.....
මම මේ දකින්නෙ හීනයක්ද...ආයෙත් මම ඇස් පිහදාලත් බැලුවා.. නැහැ ඒ මගේ කොල්ලම තමයි..හැබැයි දැන් ලොකු මිනිහෙක්..පරිනත වැඩිහිටියෙක්...ඒත් ඒ ඇස්.