BAHAY MO, BAHAY KO, BAHAY NATIN

Si Kim Young Shin ay isang sikat na Korean actor sa Korea. Pero lingid sa kaalaman ng kanyang mga taga-hanga ay hindi purong Koreano ang binata. Isa siyang Korean-Filipino. Koreano ang kanyang ama at Filipina ang kanyang ina. Labing isang taong-gulang siya ng umalis sila sa Pilipinas dahil muling nalipat ang kanyang ama sa Seoul. Isang regional director ang kanyang Koreanong ama sa Asian Development Bank. Nang mag-audition si Kim para sa isang role sa isang Korean drama series noong siya ay nag-binata ay agad siyang nakuha bilang lead actor. Doon nagsimula ang kanyang pagsikat.
Si Susan naman na mas kilala sa palayaw nyang Suzie ay isang OFW na nagtrabaho sa isang sikat na hotel and Restaurant sa Dubai. Nagtapos siya ng culinary Arts at siya ang isa sa mga chefs sa Hotel and Restaurant ng kanyang pinaglingkuran. Matagal nang pangarap ni Suzie na magkaroon ng isang resthouse na nasa tabing dagat. Kaya ng sabihin ng kanyang kaibigan na isang real-estate broker na may alam siyang ipinagbibiling bahay bakasyunan sa Poro Point sa La Union ay hindi siya nagdalawang isip na hulugan ang nasabing bahay para maging tirahan nya pag-uwi nya sa sariling bayan.