Love and Coffee Spills (SYJUCO Siblings #1: XANDER)

Galing sa isang traumatikong relasyon si Viktoria Panlilio. Pilit niyang kinalimutan ang bahagi na iyon ng kanyang nakaraan, pati na ang mga taong sangkot doon. Isinumpa niyang hindi na uli papasok sa isang relasyon. Pero ng makilala niya si Xander Syjuco, at ligawan siya nito, kakaibang klaseng pagmamahal ang ipinakita sa kanya ng lalaki. Halos ilagay siya ng binata sa pedestal. Gustong-gusto ni Viktoria ang nararanasan niyang kakaibang pagmamahal na ibinibigay ni Xander sa kanya na hindi niya kailanman naranasan mula sa kanyang ama at sa dating relasyon. Sa piling ni Xander, tila siya isang babasaging kristal na pinaka-iingatan ng lalaki. Pero nakahanda na ba siyang muling buksan ang kanyang puso at tanggapin ang pag-ibig ni Xander? Paano kung malaman ni Xander ang kanyang nakaraan, ganun pa rin kaya ang pagmamahal na ibibigay ng lalaki sa kanya? O tatalikuran na siya ng lalaki dahil sa yugto ng buhay niya na iyon na hindi naman niya ginusto?