Beneath the Silence

Hindi ko naman 'to hiningi.

Sa totoo lang, okay na ako sa buhay ko. Trabaho dito, racket doon, at konting pag-papaniwala na may maganda akong plano para sa future. Hindi ko naman sinabing masaya ako, pero nakakaraos naman. Hindi perfect, pero ano naman? Laban lang.

Hanggang sa nakita ko 'yung USB.

Wala lang, nakapatong siya sa isang mesa sa isang lugar. Mali pala 'yon.

Kasi itong USB na 'to? Hindi ordinaryo. Puno siya ng mga files at videos na parang galing sa secret government project na hindi ko kayang intindihin. Isang araw, may bigla na lang sumusunod sa akin. At guess what-tama nga ang kutob ko! May sumusunod nga sa'kin!

Si Rhydian Sandejas.

Oo, siya na nga. Ang lalaki na parang wala nang ibang emotion kundi "don't bother me." Matangkad, brooding, at parang hindi siya natutulog dahil laging may nagbabother sa kanya. Yung mga tingin niya, alam mo yun? Parang nakatingin siya sa'yo, tapos ang feeling mo may malaking kasalanan kang ginawa kahit wala naman. Yung silver ring niya? Laging kinakalikot tuwing naiinis siya, na parang gusto niyang magsisigaw, pero hindi-dahil baka may witnesses.

Eto pa, may kinalaman pala 'yung USB na 'to sa isang malaking crime. At ako? Sa sobrang innocence ko, aksidente ko lang siyang nakuha! Hindi ko naman alam na magiging susi ito sa isang seryosong bagay.

Ngayon, kailangan ko siyang tulungan. Hindi lang para sa sarili ko (at sa USB, duh), kundi dahil baka magka-problema na naman ako sa lahat ng nangyayari. Ang problema? Natutulala ako sa panga ni Rhydian, lalo na kapag nagpipigil siya ng inis.

Pero sige lang, universe. Ano pa bang pwedeng magkamali?

Ako, si Ciela, na parang walang pakialam sa mundo, tapos siya, ang lalaking parang ang default setting niya ay "I'm mad at you?" Hindi talaga bagay.