Etherium Legacy: Rise of Arcane Vanguard

Si Elysia Monteperez ay lumaki sa mundo ng mga tao at ang pamilyang nagpalaki sa kaniya ay mahusay sa paggawa ng mga gadget at iba pang bagay na konektado sa teknolohiya. Isang araw habang sinusuri niya ang mga gadget na gawa ng kaniyang daddy ay may nangyari na naging dahilan ng pagiging curious niya. Mas lalo pa siyang naging curious nang makatanggap siya ng liham mula sa Techspell University na hindi niya alam kung saang lupalop ng Pilipinas matatagpuan.

Dahil sa kuryusidad ay tinanggap niya ang imbitasyon ng paaralan at sa pagpunta niya roon ay nakilala niya ang isa sa kaniyang mga magiging mortal na kaaway, si Thalina Shadowflame. Pero mas higit pa roon ang kahaharapin niyang suliranin dahil kasabay ng pagpunta niya sa Techspell University ay siya namang paghahasik muli ni Malakar ng kasamaan sa buong Etherium. Naging daan iyon para mapabilang siya sa Arcane Vanguard, grupo ng mga magical warriors at scholars na pumuprotekta sa Etherium. At doon nasaksihan niya kung paano nagkagulo sa mundong iyon.