بنت العمده 🤗...

باللهجه الصعيدي....
منتهيه

مهران بجديه :مش معقوله ياقدريه هتنفذي اللي في دماغك وتجوزني علي مزاجك ،انا مش عيل صغير ياقدريه امشي وراك واتجوز واحده من دور عيالي وكمان خدامه ،انتي عايزه الناس تاكل وشي .

قدريه بجديه :اسمعني ياعمده الجواز هيكون في السر ولا حد هيعرف حاجه واصل والبنت خدامه عندنا في دارنا ومقطوعه من شجره، ومفيش غير خالها وانت عارفه عطيه لا بيهش ولا بينش ومصدق يخلص منها ،وقرشنين ويقفل خشمه بالضبه والمفتاح ..

مهران بتفكير :وهينوبك ايه من وراء ده كله ياقدريه ؟.

قدريه :اول ماتظهر البشاره والبت تحبل ،هخبر الناس كلها اني ربنا اخيرا عوض صبري خير وحبلت وبعد تسع شهور يشرف ولدك وانا هاخده وهاربيه كيف ولدي ،امال ايه ولما يكبر يورث العموديه وابقي ام العمده، ولا عايز العموديه تروح منك لاخوك وعياله ومراته حسنيه العقربه تبق احسن مني وتصبح في يوم وليله مرات العمده وفي الراح والجاي تعيرني بالخلفه و العموديه ولا عايز العموديه تروح خالص من عيلتنا لعيله العزايزه ،وحلني بقا لما ترجع تاني لعليتنا دول ماهيصدقوا يمسكوا فيها بايدهم وسنانهم