ظِل العقاب

- طلعنا من المدرسه فاطسين ضحك عَ امتحان العربي وشلون چفصنا بي

- ههههه يمهه متت شكتبتي بلا أنتِ

- تخيلي كتبت الأعراب كله " مبتدأ مرفوع وعلامة رفعه الضمة"

- صخام بعينچ اللّٰه يرفع راسچ

- دروحي اسئلة صعبه
وأحنى ماشيين نسولف طبيعي وصلنا للشارع العام وفجأة! صار انفجار أشبهه بالقنبلة أذاني گامت تصوفر من قوتة صديقتي واكفه وتعيط الناس كلها تركض والبعض انصابوا وممدودين بالأرض انتبهت عَ رجال قريب رجلي هزيتة بلكي عايش

- عموو عموو بيك شي
انتبهت عَ رگبتة كلها تنزف وجسمة يختض مثل السعفة، الرهبة والخوف إلي صابتني بهذا اليوم ما انساها طول عمري

- هَيييممم هَيممم تعالي نركضض المكان مو آمن بسرعه

- احجي وحلكي يرجف أثر الصدمه.. وووين نروح وين اني خايفة

- لجج امشي لتخليني اغلط عليج امشييي
اخذتها واسحل بيها ألا أن وگعت بالگاع عبالي مصوبة كعدت بخوف وفزع اتفحصها.. شبيج يمعوده انصابيتييي هَييمم

- اءء لااا مابيه شي بس رجليه بعد متشيلني
صيّاح الناس يتغلغل بمسامعي گمت اضرب عَ راسي اريدهم يسكتون

- ظِل العقاب