My Class President

HIATUS

Class president ba ng Section 3 o "my class president" ni Santos?

Elory Marie Ortega Santos, bagong transferee sa Dearly Nolva National High School, isang paaralang kilala sa pagiging mahigpit ng mga guro. Kahit may inosenteng mukha si Elory na parang anghel, may taglay din siyang matapang at basagulerang ugali. Hindi biro ang reputasyon ng paaralan, marami nang estudyante ang nag-transfer out dahil hindi kinaya ang istriktong patakaran. Mayaman man o may kaya, tila'y walang ligtas sa higpit ng iilang guro.

Unang araw pa lang sa klase, agad na nakuha ang atensyon ni Elory ng isang lalaki, ang Class President. Pero hindi lang siya basta Class President, siya rin ang campus crush na pinagkakaguluhan ng lahat, lalo na sa kanilang section. Parang perfect package: matalino, gwapo, at leader material. Ngunit habang ang lahat ay humahanga, si Elory ay tila may kakaibang nararamdaman. Pagmamahal na yata.

Sa kabila ng excitement sa bagong paaralan, hindi maitatanggi ang bigat na dala ni Elory sa kanyang buhay sa labas ng school. Pag-uwi sa bahay, iba ang kwento. Mga suliraning puno ng lungkot ang bumabalot sa kanya, na tila'y nagiging dahilan upang tanungin niya ang sarili: Kakayanin ko pa ba?

Magtatagumpay kaya si Elory sa bagong kabanata ng kanyang buhay? O ang bigat ng kanyang dinadala ang magiging hadlang sa kanyang tagumpay na makapag tapos ng High School na with Honors at makuha ang atensyon ni Hiro?