"समयका कडिहरू "

समय हेर्न घडी नै किन चाहिन्छ र?
ढल्किँदै छ उमेर, सकिँदै छन् रहरहरू,
मेटिँदैछन् अधुरा इच्छाहरू,
र, थुप्रिँदै छन् जिम्मेवारीका भारीहरू।
यी सबै नै समयका कडीहरू रहेछन्।

नियाल्न सक्नेले बुझ्छ,
बाल्यकालको चञ्चलता,
जवानीको जोशिलो यात्रा,
र बुढ्यौलीको थकित पाइलाहरू।
यी सबै समयकै चित्रहरू हुन्।

यो जीवन आफैं घडीजस्तै हो,
जहाँ प्रत्येक टिकले कथा लेख्छ,
र प्रत्येक क्षणले अनुभूति बन्छ।
समय बुझ्न घडीको आवाज होइन,
मनको धड्कन सुन्न सिक्नुपर्छ।