BEHIND THE BARS (REVISED)

"...GUILTY!"

Dinig ang palakpakan at hiyawan ng kabilang partido nang sabihin ng judge na guilty sya at makukulong ng tatlumpung taon. Disiotso anyos na sya ngayon, at kung bubunuin nya ang mga taong iyon, maaaring wala na syang abutang pamilya na buhay rito sa labas... pero... wala naman talagang pakialam sa kanya ang kanyang pamilya.

Ang ama nya ay may bago nang asawa, nasa malayo ang kanyang ina, iniwan sya noong bata pa sya. Kasama din nila sa bahay ang kapatid nyang anak ng madrasta nya, hindi nya kadugo pero mas pinapanigan ng ama nya sa lahat ng sitwasyon.

Nilingon nya ang lalaking natatanging nagtatanggol sa kanya, hindi nya ito kaano-ano, si Attorney Edward Missouri. Tinanguan sya nito. Bago ang hearing na iyon, nag-usap na sila at alam nyang ito ang kahahantungan nya pero sinigurado sa kanya ni Edward na gagawin nito ang lahat hindi man para mapalaya sya kundi para mabawasan ang taon ng pagkakakulong nya.

Nangako din ito sa kanya na kahit nasa loob na sya ay hindi ito titigil sa pagtulong sa kanya. Napakabuti nya.

Sinulyapan nya ang ama, umiiyak ito at umiiling habang nakayuko. Nahagip nya ang ngisi ng kanyang madrasta at ang nagi-guilty na hitsura ng sampid nitong anak. Pinakatitigan nya ang mga ito bago tumalikod at naglakad palayo, papunta sa labas ng court room.

©simaineiiero.
BEHIND THE BARS REVISED.