Rewrite Destiny

Dedication

Sa lahat ng mga manunulat na minsang naisip, "Paano kung ako ang naging bida sa sariling kwento ko?"-ang kwentong ito ay para sa inyo.

Para sa mga taong natatakot sa hinaharap pero patuloy na lumalaban upang isulat muli ang sarili nilang kapalaran.

Para sa mga naligaw, nalito, at nagduda kung sino ba talaga sila-at sa huli, natutunang ang sagot ay nasa paraan kung paano nila ipinaglaban ang sarili nilang kwento.

At higit sa lahat, sa mga pusong handang magsimula muli, kahit ilang beses nang nasaktan ng nakaraan.

Dahil minsan, ang pinakamalalaking lihim ay hindi nasa mundong ginagalawan natin... kundi nasa kung paano natin pinipiling baguhin ang ating tadhana.

Rewrite Destiny

Kung ikaw mismo ang sumulat ng kwento... kaya mo bang baguhin ang ending?

Celina Reyes, isang kilalang writer, nagising isang araw bilang Lucia Dela Vega-ang kontrabida sa sarili niyang nobela. Alam niya ang itinakdang kapalaran nito: ipagkakanulo ng fiancé niyang si Marco Santiago, mabibigo laban kay Adrian Montenegro, at mamamatay bago sumapit ang dalawampu't isa.

Pero sa bawat pagtatangka niyang baguhin ang kwento, mas lalong lumalabo ang realidad. May mga taong hindi niya isinulat pero tila matagal na siyang kilala. May mga lihim na matagal nang itinago bago pa siya dumating. At ang pinakamalaking tanong-kung hindi siya ang sumulat ng kwentong ito... sino?

Ngayon, kailangang niyang piliin-susundin ba niya ang itinakdang script, o isusulat niya ang sarili niyang kapalaran?

Ngunit isang bagay lang ang sigurado... lahat ng pagbabagong ginagawa niya ay may kapalit.