ආයාචනා

"උඹ හිතන්නෙ මට පිස්සු කියලා නේ? ඔව් මේකත් එක්තරා විදිහක මහා වේදනාකාරී පිස්සුවක් ආත්මෙන් ආත්මෙට එන මතකෙ ඔලුව ඇතුලෙ පැටව් ගහලා ටිකෙන් ටික මොලේ කුරුවල් කරවන අසාමන්‍ය පිස්සුවක්. එදා ඒ ලේ ගංගාව මැද්දේ මගේ බන්දනා මැරිලා ඉන්න හැටි එදා සහස් විදිහට මගේ මේ පව්කාර ඇස් දෙකෙන් මම දැක්කා. ආයෙත් මට එයාව නැති කරගන්න බෑ. පිරිමි ආත්මයක් ලබන්න මට මේ ආත්මෙදි බැරි උන එක ඇත්ත ඒත් ඒ ආදරේ තාමත් එහෙම්මයි. මේ ආත්මෙදි එයාව මට මුණ ගස්සලත් ඒ ඇස් මගෙ කරගන්න මට අයිතියක් නෑ. හිත ඇතුලේ කැකෑරෙන ආදරෙ ඒ අත්මෙදි සහස් විදිහට දුන්නු ආදරේ මට මේ ආත්මෙදි දෙන්න විදිහකුත් නෑ. ඒත් මම එයාව පරිස්සම් කරනවා දුරින් ඉදන් හරි. ඇයි දෙවියො මෙච්චර අසාධාරණ පරීක්ෂණයකට මට මූණ දෙන්න සැලැස්සුවේ?"