Love, Lies, and Choices

Si Aiah ay isang simpleng dalaga-mahiyain, malambing, at higit sa lahat, palaging tampulan ng pananakot ng iba. Sa loob ng maraming taon, natutunan na niyang maging invisible, umiwas sa gulo, at manatili sa sarili niyang mundo. Ang tanging hiling niya ay matapos ang kanyang huling taon sa high school nang tahimik at walang aberya.

Ngunit hindi niya akalaing ang senior year na inaasahan niyang magiging mapayapa ay magiging isang magulong kabanata ng kanyang buhay. Biglang naging sentro siya ng atensyon ng dalawang pinakasikat at pinakamaintrigang lalaki sa kanilang paaralan-dalawang magkaibang mundo na parehong gustong mapalapit sa kanya.

Ang isa, isang misteryosong bad boy na may matigas na panlabas ngunit tila may malalim na sugat sa loob. Ang isa naman, ang perpektong prinsipe ng campus-matangkad, matalino, at may ngiting kayang tunawin ang puso ng kahit sino.

Dahil sa kanilang pag-aagawan, nasira ang tahimik na buhay ni Aiah. Mula sa pagiging isang nobody, naging usap-usapan siya sa buong paaralan. Ngunit sa gitna ng lahat ng ito, isang tanong ang bumabagabag sa kanya-ito ba ay totoo? O isa na namang laro na maaaring magdulot sa kanya ng sakit?

Makukuha kaya nila ang puso ni Aiah sa kabila ng kanyang masalimuot na nakaraan? O isa lamang sa kanila ang magwawagi sa kanyang pagmamahal? Isa lang ang sigurado-hindi magiging madali ang pagpili.

Credits to the artist of my book cover:)