اجرام العقول "انتقام"

- شفت الكل ناايم نزلت للحديقه اشتم هوى اختنكت من المشاكل والهوسه ياربي شوكت اخلص من هذا البيت حلمي اطلع منه تذكرت عندي چگاره من زمان ضامته رحت جبته وجبت جداحه كعدت على المرجوحه وادخن سمعت صوت من وراي من الخوف ضميت چگاره بصدري ضليت اكح من الصدمه

- صحه صحه على كيفج من تشربين
- ها ! شنو
- اهلج يدرون بيج؟
- ترا مجاي اشرب شي كاعده اشتم هوى
- والريحه
- ياريحه ماكو ريحه منين تشتم انت
- من عيوني

- اتقرب يمي كلش وكعد على المرجوحه بصفي واشر على مكان الي ضميت بي چگاره وكال

- اخلاقي ماتسمحلي اطلعه طلعيها انتِ احسلج

- بدون لااجاوبه طلعته وانطيته ياه اخذها من ايدي وشغلها من جديد وضل يدخن بيه فتحت عيوني على وسعهن

- شهل التصرف هذا شكد ساقط لعد
- وانتِ شنو؟
- لاتستفزني بالكلام لا وعلي الم العالم عليك هسه
- اي لميهم حتى اكلهم لكيتها دخن
- سكتت بدون لا اجاوبه عفته ورحت ورجع كال

- عيديها مره الثانيه وشوفي شسوي بيج
- اسويه مره ومرتين شوفني شسوي
- فوكاها صلفه
- صلفه بعينك حيوان
- نوب صرت حيوان
- ومطي
- مطي هم
- ثور
- بعد بعد لاتخلين بكلبج طلعيهن كلهن راح احاسبج عليهن