Kapag nagpost ka sa isang Social Media lalo na sa Facebook ng #WalangForever, asahan mong puputaktihin ka ng mga comment na 'BITTER!'. Sabi nga nila, 'Ang taong hindi naniniwala sa Forever malamang bitter'. Wala ng Freedom of Speech ano? Pake nila kung hindi ka naniniwala sa Forever. Gaganda ba kinabukasan mo kung maniniwala ka sa Forever? Mabubusog ka ba? Papayat ka ba o tataba? Tatalino o di kaya magkakaroon ng super powers? Hindi naman diba?? At kahit kailan, hindi magkakaintindihan ang mga taong may magkaibang paniniwala. Kasi once na pinaniwalaan mo na, mahirap ng baluktutin iyon. May magtangka mang baguhin ang paniniwala mo, hindi parin nila tuluyang maiiba ang paniniwala mo. Lalo na kung ikaw mismo ang nakaranas. Yung ikaw ang iniwan, ikaw ang niloko, ikaw ang inuto, ikaw ang pinaglaruan, ikaw ang pinagpustahan, ikaw ang nakaranas ng sakit. Ang magandang solusyon ay #WalangPakialamanan May iba namang kahit hindi naman nakaranas ng malagim na hiwalayan eh hindi rin magawang paniwalaan ang Forever. Ang sabi. Bitter agad? Aysush! Hindi ba pwedeng NBSB tapos mahilig lang manood ng mga LoveStory na hindi happy ang ending? Hindi ba pwedeng base sa nakikita at naririnig. Kunwari yung bespren niya eh niloko ng hayup na manlolokong babaerong gwapong boypren. Syempre ang papasok agad sa isip ay, Hashtag Walang Forever! Kung sa kanila nga nangyari, sayo pa kaya? Kasi diba walang pinipili ang panahon? Kahit sino pwedeng makaranas ng sakit. Maramdaman mo mang siya na ang The One. Hindi mo parin siguradong kayo na until the end. Lahat ng tao ay nagbabago. Dahil walang permanente sa mundo. Sa huli masasabi mo nalang sa post mo, #WalangForever