وتبقى بيننا الحكاية

الحلقة الأولى

الليل كان داخل ع البلد زي ضيف تقيل، والنجوم فوق بتلمع كأنها عيون ناس مترقبة في الضلمة
في قلب الجبل، كان بيت العمدة عمران واقف بشموخه، زي ما هو من سنين، شاهد ع اللي فات ومستني اللي جاي

جوه البيت، كانت "ورد" قاعدة في أوضتها، بتحاول تلهي روحها بأي حاجة، بس قلبها كان مولّع نار. عنيها كانت تايهة ف الكوفية اللي ماسكاها بإيديها، كوفية "سالم"... اللي كان حبها الوحيد، واللي خلاص هيتجوز غيرها بكرة.
***
في المقابل، كان سالم واقف ع النهر، بيرمي حجر ف المية، ويشوف التموجات وهي بتكبر وتبعد. أنفاسه كانت تقيلة، وكأنه شايل فوق صدره جبل. محمود، صاحبه وأخوه ف الرضاعة، كان واقف جنبه، وسأله:
- "هتقدر؟"

سالم تنهد، وبص قدامه كأنه بيحاول يهرب من الحقيقة، وقال بصوت واطي:
- "لازم."

محمود قرب منه وخبط ع كتفه:
- "بس قلبك مش مع ربيعة... قلبك مع ورد!"

سالم لف له بعينه المليانة حزن، وقال:
- "والدي وصّى... ومينفعش أكسر كلمته، وإلا... الدم هيسيل!