Hope From Love's Memories

【Written in Filipino; Book 1 of "Transcendental: Until Eternity" series】

Mula nang makakitaan si Ilsie ng kakaibang kakayahan noong bata pa siya, alam na niyang hindi na magiging normal ang takbo ng buhay na kanyang nakagisnan. Nasiguro niya iyon nang mag-umpisa ang pagsulpot ng kung iba't-ibang imahe sa kanyang isipan nang marating niya ang Shiasena Temple para sa unang combat training niya bilang isang Power Caster. Isang babae at isang lalaking parehong may kakaibang kakayahan ang lagi niyang nakikita sa kanyang isipan at maging sa mga panaginip. 'Di nagtagal ay nalaman din niya ang totoo tungkol sa kuwento ng dalawang iyon, maging ang dahilan kung bakit naputol ang kuwentong nagbibigay pa rin sa kanya ng 'di maipaliwanag na sakit ng kalooban para sa Guardian na si Francis.

Buong akala ni Francis Kieran Reyrieth ay nabuhay siya ng mahabang panahon na hindi itinutuon ang sarili sa ibang bagay maliban sa trabaho niya bilang isang Guardian mula sa Osmerth. Pero hindi iyon ang nararamdaman niya. For 400 years, his heart kept on finding the one reason why it felt so empty. Hanggang sa makilala niya sa isang 'di inaasahang laban ang Wind Power Caster na si Ilsie.

Kahit sabihin pang tadhana na ang naglapit sa kanilang dalawa, sigurado si Ilsie na wala na siyang dahilan para hilinging may patutunguhan pa ang kalauna'y pagtinging meron siya para kay Francis. Lalo pa't hawak niya ang dalawang sikretong nagsilbing dahilan kung bakit binura ni Elysriel noon ang alaala ng leader ng mga Guardians. Hinding-hindi siya mapapatawad ni Francis kapag nalaman nito ang totoo.