Sa Likod ng mga Ngiti

"Paano mo ipaglalaban ang pag-ibig kung sa simula pa lang, alam mong hindi ikaw ang pipiliin?"

Si Maya Dela Cruz ay isang simpleng dalaga na sanay nang magtago ng nararamdaman. Sa loob ng maraming taon, tahimik niyang minahal ang matalik niyang kaibigan na si Enzo Ramirez isang masayahing binata na abala sa paghabol sa babaeng mahal niya, si Sofia Villanueva.

Habang patuloy na ipinaglalaban ni Enzo ang pag-ibig niya kay Sofia, si Maya naman ay pilit na itinago ang sariling damdamin. Sa bawat ngiti ni Maya ay may sakit na hindi niya kayang ipakita isang pusong sugatan na piniling manahimik.

Ngunit sa hindi inaasahang pagkakataon, dumating sa buhay ni Maya si Jiro Mendoza isang misteryosong binata na tahimik ngunit may pusong handang magmahal. Sa kabila ng malamig nitong personalidad, nakita ni Jiro ang lungkot sa likod ng mga ngiti ni Maya at handa siyang maging sandalan nito.

Habang lumalalim ang ugnayan ni Maya at Jiro, magtatagpo sa isang masalimuot na landas ang kanilang mga damdamin. Magpapatuloy ba si Maya sa pagmamahal na hindi niya kayang ipaglaban, o pipiliin niyang mahalin ang taong hindi siya iniwang mag-isa?

"Sa Likod ng Ngiti" ay isang kwento ng pagmamahal, pagsasakripisyo, at pagtanggap na minsan, kailangan nating bitawan ang taong mahal natin upang bigyang-daan ang pag-ibig na tunay na para sa atin

Introduction sa mga Tauhan

Maya Dela Cruz - Isang dalagang simple, mahiyain, ngunit may mabuting puso. Palihim niyang minamahal ang matalik niyang kaibigan na si Enzo, kahit na may mahal na itong iba.

Enzo Ramirez - Isang masayahing binata na mahilig magpatawa. Matagal na niyang iniibig si Sofia, na siyang dahilan kung bakit hindi niya napapansin ang damdamin ni Maya.

Sofia Villanueva - Isang magandang dalaga na iniidolo ng marami. Mayaman, matalino, at tila perpekto sa paningin ni Enzo.

Jiro Mendoza - Isang misteryosong binata na tahimik ngunit may malalim na pananaw sa buhay. Siya ang magiging malapit na kaibigan ni Maya.