iki alma

Axşam vaxtları gəzməyə çıxanda hərdənbir balaca oğlumu da yanımda aparıram. Bu dəfə də apardım. Və həmən balaca oğlum ilə gəzməyə gedəndə hərdənbir ittifaq düşür ki , onu yeməli şey də alıram ki, məndən razı qalsın. Bu dəfə də balaca oğlum dükanlarda düzülmüş nazü-neməti görəndə məndən yeməli bir şey isdədi. Mən o əqiqədə deyiləm ki hər dəfə uşaqla bazara gedəndə ona bir şey almaq lazımdır və lakin bunu da deyirəm ki heç bir vaxt almaq lazım deyil. Ancaq bu dəfə heç bir şey almaq isdəmirdim ; o səbəbə ki cibimdə pul yox idi. Və bir də istəmdim ki uşağım hər dəfə bazara çıxanda dadanmağı öyrənsin

***************************

Bir qədər dolandıq , sonra yolumuz dərya kənarına düşdü. Amma oğlumu da bidamağ görürdüm.
Çün tərbiyə öz qaydasınca , uşağın öz təbiəti- bu da öz qaydasınca. Və onunçun da inat etməmək babətindən dərya kənarında qabağa düzülmüş meyvələrdən 2 şahıya iki dənə yaxşı qırmızı alma aldım və ikisinidə verdim oğluma. Hərçənd oğlum almaları məndən aldı . Amma gördüm ki könülsüz aldı.