Reset (Ongoing)

"Hindi ko maalala kung kailan nagsimula ang lahat... Pero sa bawat pagdilat ng mata ko, may nawawala. Alaala. Katotohanan. Tao."- Lairo

May mga kwento na nagsisimula sa pag-ibig.
May mga kwento na nauuwi sa kabaliwan.

Ang kwentong ito, hindi mo alam kung alin.

Sa isang tahimik na bayan, sa loob ng apat na sulok ng isang ordinaryong silid-aralan, may isang transfer student na dumating-si Seila. Hindi siya nagsasalita. Hindi siya nakikipag-usap. Pero ang bawat tingin sa kanya, parang lihim na gustong tuklasin.

At sa likod ng mga tanong, isa ang malinaw:
Lahat ng lalapit sa kanya, nawawala.

Hindi agad. Hindi sabay-sabay.
Pero isa-isa.

At sa gitna ng lahat ng ito, si Lairo. Tahimik. Mabait. Palakaibigan. Pero may lamat sa alaala. May kulang sa kanyang kwento. At sa bawat gabi, may tinig na bumubulong sa utak niya-tinig na hindi kanya.

"Protektahan mo siya. Ilayo mo sila. Alisin mo ang hadlang."

Ang kwento ng Reset ay isang mabagal na pagguho ng katinuan, ng pagmamahal na nauwi sa obsession, at ng katotohanang unti-unting lumulubog sa dilim.

Handa ka na bang pumasok sa mundo ni Lairo?

Kung oo, mag-ingat ka.
Dahil minsan, ang pinaka-nakakatakot na kalaban...

...ay sarili mo.