CONTRACT WITH MR. BILLIONAIRE
Mag-isa na lamang si Zaya sa mundong puno ng lungkot at kawalan. Pumanaw ang kanilang mga magulang sa sunod-sunod na trahedya, at ang tanging natitira niyang kasama ay ang nakababatang kapatid na ngayo'y unti-unting kinakain ng malubhang sakit sa utak. Sila'y namumuhay sa ilalim ng bubong ng isang tiyang tila isinumpa ng tadhana-malamig ang tahanan, walang yakap ng pag-asa, at laging may ulap ng galit at hinagpis.
Isang araw, sa paghahanap ng kahit munting pag-asa sa anyo ng trabaho, nalibang si Zaya sa kanyang malalim na pag-iisip. Habang naglalakad, bigla siyang nabangga sa isang matangkad at matipunong lalaki-ngunit ang laman ng kanyang isipan ay hindi ang pagkabangga, kundi ang pabigat nang pabigat na bayarin sa ospital ng kapatid niyang mahal na mahal niya. Hindi niya namalayang nahulog ang kanyang resume-ang kaisa-isang pag-asa niyang makaalpas sa pagkawasak ng kanilang buhay.
Kakayanin pa kaya niyang bumangon kung maging ang huling sinasandalan niya'y nawala na rin? O tuluyan na ba siyang sasagasa ng kapalarang walang habag?
