After The Last Laugh

Bagong lipat si Avery sa isang prestihiyosong paaralan ng Northvale Institute of Discipline, isang paaralang balot ng imahe ng karangalan, pero sa likod ng magagarbong gusali, ay may mga halimaw na nakatago sa uniporme.

Sa loob ng limang buwan, naranasan niya ang bangungot: pananakit, pananakot, at katahimikan ng mga nakakakita. Pero sa gitna ng dugo at luha, may isang bagay na hindi nila napatay, ang apoy ng paghihiganti.

Dugo ang ibinayad niya. Dugo rin ang babawiin niya.

Sa pagbubukas ng sugat ng nakaraan, unti-unti niyang ibinabalik ang sakit, ng mas matindi, mas madugo, mas walang awa.

Sa mundong ito, hindi lahat ng biktima ay nananatiling mahina. Minsan, sila ang magiging pinakadelikado.