Banda-e-Momin

Humne aksar gumrah logon ko hidayat paate to dekha hi hai, Gunahon ki raah chhod hidayat ki raah eikhtiyar karte lekin baaz dafa bahut se log aur kahin na kahin hamara bhi unn logon mein shumar hai, jo seedhi raah par chal rhe hote hain. Lekin phir hamari zindagi mein kuch aise hadsat-o-waqiyat pesh aate hain ya hamare kuch gham jo hamari achchi bhali zindagi ko aise mutasir karte hain ki hum seedhi raah chhod gunahon ki raah eikhtiyar kar lete hain. Hum na jaane kis sukoon ki talash mein nikal padte hain.
"Banda e momin" bhi aisi hi kahani ko pesh karti hai.
To chalein shuru karte hain. Aik naya safar jahan hum milenge kuch aise kirdaron se jin mein kahin na kahin aapko apna aap nazar aayega.
Kya woh kirdaar hidayat paa payenge ya phir apni baaki ki zindagi bhi gumrahiyat ki nazar kar denge?