Ang Gunitang Kapalaran | 𝐄𝐧𝐜𝐚𝐧𝐭𝐚𝐝𝐢𝐚 ✵

Akala nila'y tapos na ang digmaan. Nang malipol ang huling kawal ni Hagorn, naniwala ang mga Sang'gre na ito na ang pagbagsak ng Hatoria. Ngunit sa anino ng kanilang tagumpay, may unti-unting nagbabalik - mas madilim, mas sinauna, at walang kapantay.

Muling lumitaw ang mga Ivtre. Mula sa ilalim ng Balaak, pinakawalan ni Hagorn ang mga nilalang na nilimot ng panahon - mga nilikhang hindi tinatablan ng kapangyarihan, at walang pagkakakilanlan sa awa. Isa-isa nilang nilalagas ang mga tagapagtanggol ng Encantadia, habang kinukuha ang bawat Brilyante sa kanilang daraanan.

Walang sandata ang sapat. Walang Sang'gre ang makakatapat. At sa gitna ng desperasyon, isang desisyon ang ginawa ng Hara ng Lireo, si Amihan: buhay sa buhay. Ivtre sa Ivtre.

Handa na siyang isakripisyo ang sarili - ngunit may isang lihim na hindi pa alam ng kahit sino.

Habang abala ang lahat sa digmaan, si Cassiopea ay naglaho. Hindi upang tumakas, kundi upang sunduin ang isang nilalang na matagal na niyang inililihim mula sa buong mundo...

Si Adhira.

lumaki sa gitna ng karaniwang buhay - ngunit sa kanyang dugo ay dumadaloy ang kapangyarihang hindi kayang ipaliwanag ng alinmang Brilyante.

Dahil si Adhira ang anak ni Cassiopea... at ni Bathalumang Emre. Isang nilalang na kalahating Diwata, kalahating Diyos. Nakalimutang pamana ng liwanag. At sa kanyang pagbabalik, magbabago ang kapalaran ng Encantadia.

Kung pipiliin niyang manindigan...
O kung lamunin siya ng kanyang sariling kapangyarihan.