Nos cœurs meurtris

Mwen se Marckansy Fils-Aimé. Jan sitiyasyon peyi a ye an, mwen tap chèche yon fason pou mwen degaje emosyon mwen, tout doulè ki kache nan fon kè mwen. Mwen te deside ekri yon liv sou sa ke mwen sibi nan relasyon santimantal. « Nos cœurs meurtris (Kè Nou Brize) se yon vwayaj enteryè kote santiman pale pi fò pase pawòl. Se istwa kè ki pat janm renmen, kè ki pè renmen, epi kè ki riske tout bagay pou renmen menm lè yo konnen yo ka blese. Nan chak paj, nou jwenn doulè ki pa gen mo, silans ki lou tankou chay, epi espwa ki toujou kenbe. Se pa sèlman lanmou ant de moun, men se lanmou pou tèt nou, pou verite nou, pou fragilite nou. Liv sa se yon miwa pou tout moun ki soufri an silans, ki ret ap tann yon repons ki pa janm vini, e ki konn santi kè yo kraze san bri. Gen kè ki pa janm fin geri, menm lè yo pa montre mak yo. Gen silans ki rele pi fò pase rèl. Liv sa se konfesyon kè boule, se mo ki soti nan yon kè ki kraze, se lanmou ki mache sou chandèl doulè. "