غياهب

"اسمي نذير... بس لا تنخدعون بالاسم."

أنا مو نذير شر، ولا نذير خير. يمكن نذير شي بعده ما صار... شي ضايع، وأنا أدور عليه من سنين.

انولدت ببغداد، بأطرافها اللي دايمًا غافية بين الحلم والخوف. أمي كانت تقول عيوني يشبهن السما قبل المطر، وأبوي؟ أبوي غاب. تربّيت على صوت الراديو والموال، وعلى نظرات النسوان اللي كل وحدة بيهم تشوف بيّ حكاية ما اكتملت.

من ونة صغيرة، كنت أحس إني مو مثل الباقين. مو بس بالشكل، لا... إحساسي بالأشياء غير. أشم الكذبة، أحس بالندم قبل ما يجي، وأعرف الوداع حتى لو إجاني على شكل سلام.

كبرت، وتعلمت أسكت. سكوتي علّمني أسمع... وأفهم... وأخطط.

بس هسة، وصلت مرحلة ما أگدر بعد أسكت. أكو شي ضاع مني... شي مهم، جزء مني، أو يمكن هو كلّي. ويمكن صار وقت أسترجعه، حتى لو أدفن الدنيا كلها بطريقي.

أريد آخذه...
وأخذه إللي إلي، وبس إلي.