Claws Of Silum

Si Sivana Arvalles, isang disiplinado at matapang na miyembro ng grupong lumalaban sa mga kakaibang nilalang ng gabi. Tila perpekto ang kanyang buhay-hinubog ng tungkulin, dangal, at isang matatag na layunin. Ngunit habang siya'y gumaganap sa tungkulin, nagsimula siyang makaranas ng kakaibang mga pangitain, panaginip, at pagkabalisa na unti-unting gumugulo sa lahat ng kanyang pinaniniwalaan.

Sa gitna ng katahimikan ng hatinggabi, nadiskubre niya ang isang lihim tungkol sa kanyang pagkakakilanlan, isang katotohanang hindi matatagpuan sa anumang tala ng gobyerno. Hindi lang siya basta nakatakdang ipagtanggol ang bayan, siya pala ang huling Hinirang ng isang sinaunang lahi ng mga Tagapagbantay, ang taong-musang na patuloy na nililipol ng mga tao.

Ngayon, ang kanyang misyon ay hindi na lamang tungkol sa pakikidigma, kundi tungkol sa pagliligtas ng kanyang lahi, kanyang layunin, at ng kanyang puso. Sapagkat sa gitna ng digmaan, matatagpuan niya ang isang pag-ibig. Isang pag-ibig na maaaring maging kanyang pinakamalakas na sandata o pinakamapaminsalang kahinaan.
Sa kanyang pagpapatuloy sa misyon ay may nananawagan sa kanyang pagbabalik. At sa kanyang desisyon, maaaring magising ang pinakamakapangyarihang taong-musang na minsang naitago sa kanyang sariling pagkakakilanlan.