لانسبيكتور عشاق الزين

« قــــصــة قــصــيرة »

قبل البدء أحداث هذه القصة لا تهاجم أي فرد من أفراد المجتمع فالقصة للعبرة فقط ❌ ونتفكرو فينما مشينا كاين الزوين والخايب .

- طالقة الشعر و عكر حمر = خارجة الطريق
- شفناها نازلة من طنوبيل د شي حد = خارجة الطريق
ـ واقفة مع دري = خارجة الطريق
- باتت عند صاحبتها = دبا تجيب شي كرش لعائلتها ...

*كمجتمع مغربي كونك بنت عازبة فضروري كتعرضي لمضايقات ، سواء درتي علاش سواء مدرتيش، الحضية لي كتكوني محضية من شي ناس ماشي حتى عائلتك اكثر من الحضية لي حاضية راسك ، وشي مرات كتسمعي على راسك شي حوايج نتي براسك معارفاهمش اول مرة كتكتاشفيهم مع نوع معين من الناس ، فشكون فينا لي فلتات من أحاديث الناس ؟ شكون فلتات من سوء الظن ، والقذف فالعرض والشرف.

قصة : لانسبيكتور عشاق الزين
بقلم : فرح حدادي

هو: مكانش من نوع الناس د لي شاافها يتربصو عينيه بيها، كان من النوع لي دغيا يحذر العين ويقلب النظرة عوض يحقق، واخا عليه العين ، عينو قانعة أو هادشي لي كان يبان ليه قبل ميدرك طيف عينو شوفتها ، النهار لي شافها نفسو النهاار لي العين شاافت ومقنعااات ، عااود شاافت وغرقاات ، وحلفات بحلوفها على ديك خليقة الله لاتحيدات ....