Be With You

Nung nakatapos ako ng high school tila don ako nagbago.

Dati, alam ko ang gusto ko pero ng tatapak na 'ko ng senior high bigla na lang nagbago. Hindi ko alam ang kukuhanin kong strand at don na rin ako nagsimulang mag-alala kung kakayanin ko ba.

Accountancy, Business and Management ang kinuha ko kahit hindi ako sigurado kung ito ba talaga ang gusto ko. Natagpuan ko rin ang sarili kong umiiyak sa mga papel na dati naman ay hindi nangyayari.

Pero, dumating siya- si Rhys. Tinulungan niya akong marealize ng kung nasaan ako ngayon. Kahit magkaiba kami ng strand na pinasukan ay nagawa niya pa ring aralin ang FABM2 para sa akin, para turuan ako. Nakakatuwa nga dahil nung hindi ko intensyong hanapin ang pag ibig, don siya dumating.

Hindi niya lang ako tinuruan at tinulungan, nagawa niya ring iparamdam sa akin na kahit anong gulo ng isip at kapaligiran ko-kamahal mahal ako. Kaya kahit hindi ko siya inaasahan ay nahulog ako sa kaniya.

Siya ang naging pahingahan ko sa magulong buhay ko bilang istudyante, bilang isang Accountant at bilang isang kasintahan.