She's from the Past

Isang lumang rotary phone. Isang tawag mula sa nakaraan. At isang kwento ng pag-ibig na humamig ng damdamin sa pagitan ng dalawang magkaibang panahon.

Si Gavin Salazar, isang estudyanteng kumukuha ng kursong History, ay namumuhay nang simple at tahimik-hanggang sa isang araw ay makarinig siya ng tawag mula sa isang kakaibang linya. Sa kabilang dulo ng telepono ay si Eleonor Rivera, isang kilalang mamamahayag noong unang bahagi ng 1898, na tila hindi namamalayang higit isang siglo na ang lumipas mula sa kanyang panahon.

Habang tumatagal ang kanilang pag-uusap, unti-unting nauunawaan ni Gavin na may mas malalim na dahilan kung bakit sila pinagtagpo ng kapalaran. Sa kabila ng misteryong bumabalot sa lumang telepono at sa pagkatao ni Eleonor, hindi niya mapigilang mahulog sa isang damdaming hindi inaasahan - pagmamahal na itinahi ng mga salita, tinig, at katahimikan.

Ngunit paano kung ang taong minahal mo ay matagal nang bahagi ng kasaysayan? At paano kung ang pag-ibig ninyo ay isinulat sa pahina ng panahong hindi mo kayang abutin?

Isang kwento ng koneksyon, kasaysayan, at pusong hindi kayang ikulong ng oras