ထာဝစဉ်

မိန်းမချင်း တည်ဆောက်ထားရတဲ့ ဆက်ဆံရေးဖြစ်တာမို့ အခက်အခဲတွေအများကြီးရှိခဲ့ပေမယ့် သော် တီတီ့ကို ဘယ်လောက်ပဲ ဘာတွေကြုံနေရပါစေ လက်မလျှော့ခဲ့ဘူး။ ဘယ်တော့မှလည်း လက်လျှော့မှာမဟုတ်ဘူး။ သံယောစဉ်ကြိုးတွေ ယုံကြည်မှုတွေ နားလည်မှုတွေနဲ့ တည်ဆောက်ထားတဲ့ မေတ္တာတရားတွေ ခိုင်မြဲလာတဲ့အခါ ဘယ်အရာတွေဘယ်လိုလာဖြတ်ပါစေ ဒီလက်နှစ်စုံဟာ ဘယ်လောက်ဖြတ်ဖြတ် တွဲလက်တွေက ထာဝစဉ်မြဲနေမှာ အသေအချာပါပဲ။

><><><><><><><><><><><><><><><><><><><><><><><><><>

နွယ့်ဘဝမှာ မိန်းကလေးတစ်ယောက်ကို မေတ္တာသက်ဝင်မိလိမ့်မယ်လို့ ဘယ်တုန်းကမှ မစဉ်းစားခဲ့မိဖူးဘူး။ ချစ်ခြင်းမေတ္တာက ဆန်းကြယ်လွန်းတယ်။ အချစ်ဆိုတာ အသက်အရွယ် ၊ ရုပ် ၊ နာမ် ၊ အထီးအမ သဘာဝ ဒါတွေနဲ့ မဆိုင်ကြောင်း ဒီကလေးလေးနဲ့မှ နွယ်ခံစားမိလာတယ်။ နွယ်ရှင်သန်ရမယ့် နေ့ရက်တွေတိုင်းမှာ ဒီမေတ္တာအရင်းခံ လူသားလေးကို နွယ်လိုအပ်‌တယ်။