Galawang College

Isang buwan narin pala mula nung nagtapos ako ng High School at pakiramdam ko aabutin pa ito ng taon. Paulit-ulit na tanghaling gising walang aalalahanen, tatayo sa aking higaan at didiretso sa salamin upang mag ayos ng sarili at saka lalabas kwarto. Pupunta sa lababo mag hihilamos, sipilyo at kung ano anong mga facial wash na pag ginamit ko na kapag ginamit mo daw sa isang linggo eh isang taon kang hindi magkaka tigyawat, at sa kabutihang palad hndi totoo yun pero sa hindi ko maipaliwanag na dahilan ay nagagawa ko pareng bumili baka magkaron ng himala at magkatotoo. Pagkatapos ay kakain na ako magsisipilyo at diretso na sa computer shop para makipagtagisan ng galing sa larangan ng DOTA. Ganito lang ang routine ng buhay ko matapos ang HS life ko. Sinawa ko ang sarili ko dahil alam kong hindi ko na ulit magagawa ito pag tumungtong na ako ng Kolehiyo ..