A Life She Never Chose | UPCOMING STORY

Hindi ko ginustong mabuhay sa mundong puno ng sakit, panghuhusga, at mga pagkakamaling hindi naman ako ang may gawa.

Pero bakit parang kasalanan ko ang lahat?
Bakit sa tuwing may maling nangyayari ay ako ang agad na itinuturo?
Bakit sa tuwing may nasisira, ako agad ang may gawa?

Hindi ako makasarili. Hindi ako makasarili tulad ng iniisip niyo! Hindi ako nagreklamo noong pinagtrabaho niyo ako para makapag-aral ang mga kapatid ko! Pero ako? Paano naman ako?
Hindi ako kailanman humingi ng kung ano sa inyo! Ang gusto ko lang na malaman niyo na sariling dugo at laman niyo rin naman ako! Napapagod din ako, nasasaktan, at nangangailangan ng pagmamahal niyo!

Sa loob ng maraming taon...
Sa mga taong tahimik lang akong nagtitiis.
Bakit ba palagi na lang na ako? Ako na laging umiintindi sa lahat.

Lumaki akong pilit inaayos ang mga bagay na hindi ko naman sinira, at paulit-ulit na pinapatunayan ang sarili ko sa mga taong ni minsan hindi sinubukang intindihin ako.

Sa paningin nila, isa lang akong pagkakamali.
Isang anak na hindi dapat ipinanganak.

Pero napapagod na rin ako.

Hindi ko pinili ang buhay na ito...
pero darating ang araw na ako naman ang pipili kung paano magtatapos ang kwento ko.