Children of Elysindria

Sa mahiwagang mundo ng Elysindria, isang sinaunang propesiya ang nagbabala. Isang batang isisilang na may kambal na kapangyarihan, ang kakayahang maghatid ng sukdulang kapayapaan o ng ganap na pagwasak. Upang pigilan ang pagguho ng kanilang mundo, isang malalim na sakripisyo ang isinagawa.

Si Aro (Prinsipe) Perrin, sa isang gawa ng pagmamahal at pagsuway, ay sumalungat sa utos ng Konseho at iniligtas ang sanggol na isinasaad ng propesiya. Ngunit ang kanyang kagitingan ay nagdulot ng kanyang kamatayan, iniwan ang kanyang mundo sa kaguluhan at ang kanyang anak, si Astra, sa isang madilim na landas ng pighati.

Nakatago sa magulong kalsada ng Caloocan, Metro Manila, sa mundo ng mga tao, lumalaki ang batang isinaad ng propesiya. Siya si Matthew, isang inosenteng batang walang malay sa kapangyarihang naghihintay sa loob niya at sa digmaang nagngangalit para sa kanya sa ibang dimensyon. Habang si Matthew ay naghahanap ng pagkakakilanlan sa mundong bago sa kanya, si Astra naman ay nagsisimulang lumabas sa anino ng kanyang trahedya. Siya ay naghahanap ng katarungan sa pagkamatay ng kanyang ama, kasabay ng pagtuklas sa nawawalang kaharian ng Mistavel.

Sa pagtatagpo ng kanilang mga landas, isang hindi inaasahang relasyon ang mabubuo sa pagitan nina Matthew at Astra. Ngunit sa gitna ng paghahanap ng kasagutan at pagharap sa mga nagbabadyang banta, matutuklasan nilang ang kanilang koneksyon. Ang kanilang relasyon ang magiging pinakamalaking salik sa paghubog ng kapalaran ng Elysindria.