THE CURSE

Sor, babaeng lumaki sa mortal world. Lumaking walang kinilalang magulang. Kuya,ate at Lolo ang nasa tabi niya habang lumalaki siya. Sila ang tinuring niyang pamilya.

Mabait na bata. Namulat sa gintong plato't kutsara. Matulungin sa mga mahihirap. Ngunit dahil s trahedyang nangyari ay nabago ang pananaw niya sa buhay.

Kung dati'y may puso't malasakit siya sa kapwa,nabago na't naging matigas ang kaniyang puso na parang bato. Mataas na pader ang ginawa niyang harang sa buhay niya.

Nangarap na maging inhinyero. Magaling sa pagplaplano at matematika ngunit Nabago iyon dahil sa sakit ng lolo niya.

Pagdating sa kolehiyo ay nursing ang kinuha niya. Doon na nagsimulang gamot ang hinahanap nila't ginagawa.

Dahil sa nursing na kurso niya ay napadpad sila sa kabundukan. Kabundukan kung saan sila naligaw at naakit ng mundo na animo'y kasiyahan ang naroon.

Napunta sila sa mundo na puno ng mahika. Parehong stilo ng pamumuhay. Parehong-pareho ang lahat maliban sa bahay at mahika na taglay ng mga tao roon.

Hindi na sila nakalabas pa. Maraming kondisyon at maraming dahilan. Nakibagay nalang at nakipagsabayan sa mga tao.

Doon na nagsimula ang tapang,tiwala sa sarili at katatagan na harapin ang mga pagsubok na dumarating sa kanilang buhay.

Kung gaano karami ang problema sa mundong kinagisnan nila ay siya namang karami at mas marami pang pasakit at sakripisyo ang kanilang pagdadaanan.

Pilit kumakawala sa kapangyarihan at mahika.

Pinipilit alamin ang kapalaran na naghihintay sa kanila. Hinahanap ang nakatakdang mangyari at ang kasagutan sa tanong na nasa isipan.

Doon napatunayan kung sino ang totoo sa hindi. Kung sino ang peke at ahas sa totoong buhay. Kung sino ang mapagkakatiwalaan sa mapanlinlang. Kung sino ang totoong kakampi at kalaban.

Nanatiling nangangarap na makakalabas sa mundong puno ng mahika. Ngunit dahil sa nalaman ay napilitang piliin ang masama sa kabutihan. Tinalikuran ang samahan at mundong pinanggalingan.