Si Jasper at Ang Kaibigang Lambana

Lumaki si Jasper sa hindi niya totoong pamilya. Sanggol pa lang ito nang iwan siya ng kanyang ina sa tiyahin niyang si Petchay. Maalaga at mabait naman ang Nanay Petchay nito ngunit nang magkaroon na ng sariling anak, ay nagbago lahat. Madalas siyang pinag-iinitan ng ulo at binubugbog rin siya ng asawa nito na si Florencio. Sa murang edad nito ay alam na niya ang pakiramdam ng kakulangan hindi lamang sa kalinga ng isang ina kundi pati na rin sa kanyang sariling kapasidad. Ngunit isang araw, nagbago ang lahat nang makilala niya ang isang lambana.