Academia Arcana

Bago pa man siya isinilang, may pira-pirasong pangitain na ang lumaganap sa mga tagabantay ng sinaunang aklatan ng mundo

"Ang babaeng may matang lila, dala niya ang apoy ng pagbagsak at liwanag ng muling pagbangon."

Ngunit gaya ng karamihan sa mga propesiya, ang mga salita ay binalewala. Inilibing sa mga pahina ng lumang kasaysayan, itinago sa ilalim ng takot, at tinakpan ng katahimikan.

Sa isang gabi ng kidlat at mahika, isang sanggol ang isinilang sa gitna ng isang gumuhong kaharian. Walang iniwang pangalan ang ina. Walang iniwang bakas ang ama. Ang sanggol lamang nakadilat na ang mga matang tila galit na lilang apoy ang tanging saksi ng huling paghinga ng lugar na iyon.

Pinalaki siya sa anino ng katahimikan. Pinalayo sa mundo, itinago mula sa mga tanong at sa mga mata ng mga tagasubaybay ng propesiya. Hanggang sa dumating ang panahong hindi na siya kayang itago.

Napadpad siya sa Academia Arcana, ang paaralang nakalutang sa pagitan ng ulap at liwanag, kung saan pinag-aaralan ang sining ng mahika, pangangalaga sa kalikasan, at ang pagbalanse ng kapangyarihan.

Hindi niya batid kung bakit siya naroon. Hindi rin niya alam kung ano talaga ang nagkukubli sa loob ng kanyang katahimikan.

Ngunit alam niyang may naririnig ang isang bulong

"Amethyst... oras mo na. Ang mundo ay muling yuyuko."