Bibro

Sa maalamat at mahiwagang lupain ng Finos, ang mahiwagang "hawsus", ang siyang pinagmumulan ng lakas at buhayng apat na kaharian ay unti-unting nawawalan ng sigla. Ang dating pusong pintig ng kalikasan at mahika ay ngayo'y humihina, tila nananahimik sa harap ng isang malalim na panganib.

Sa panahong ito ng suliranin at pangamba, apat na dakilang lahi-ang makapangyarihang at mapagmahal na mga Charesis, ang matatapang na may tatag ng loob na Rawis, ang matatalino at mamahikang nga Azvèrs at mga mga makatwiran at mapaglabang mga Brekas-ay muling nagtipon, isinantabi ang pagkakahati ng mga lupain upang tugunin ang panawagan ng kataas taasan. Hinahanap nila ang "bibro", isang sinaunang agimat na taglay ang kapangyarihang muling magpaningning sa hawsus at gisingin ang lumulubhang lakas ng Finos.

Walong hinirang na mandirigma mula sa apat na lahi ang tutugon sa hamon-mga bayaning pinanday ng panahon at pagsubok. Ngunit ang kanilang paglalakbay ay higit pa sa pakikidigma sa nilalang at panganib ng daigdig. Kailangan din nilang harapin ang mga lihim ng kanilang pinagmulan, ang mga sugat ng nakaraan, at ang aninong bumabalot sa kanilang sariling lahi.