Between the Forest and the City (BL)

Synopsis

Sa isang mundong hinati ng kasaysayan at kabihasnan, magtatagpo ang dalawang kaluluwang mula sa magkaibang mundo - si Jacob, isang tahimik at matatag na lalaking mula sa mga kabundukan ng Cordillera, tagapangalaga ng sinaunang lihim ng kanilang lahi, at si Thayer, isang mayamang binatang mula sa lungsod na nabubuhay sa gitna ng karangyaan, expectations, at pagkalito sa sarili.

Sa isang bakasyon na hindi inaasahan, dadalhin si Thayer sa gitna ng kagubatan - malayo sa ingay ng siyudad, ngunit mas malapit sa katahimikan ng katotohanan. Doon niya makikilala si Jacob. Isang lalaki na hindi lang bumihag sa kaniyang paningin, kundi sa mismong kaluluwa niya.

Ngunit ang kanilang ugnayan ay bawal. Sa mata ng kanilang mga mundo, ang pagmamahalan nila ay isang pagsuway - hindi lang sa kultura, kundi sa paniniwala, tradisyon, at pananampalataya.

Habang unti-unting umuusbong ang kanilang damdamin, sisiklab ang mga lihim, ang mga halimaw sa kagubatan, at ang mga multo ng lungsod na pilit pumipigil sa pag-ibig na ito. May kapalit ba ang pagtanggap? O may halaga ba ang pag-ibig kung ito'y ikakawasak ng dalawang mundo?

Sa pagitan ng kagubatan at lungsod,
sa pagitan ng katahimikan at sigaw,
sa pagitan ng liwanag at anino...

Saan lulugar ang isang pag-ibig na hindi dapat mabuhay - pero ayaw mamatay?

Date Written: July 06, 2025
Date Finished: August 25, 2025